ነገረ ድኀነትይህ ትምህርት የተዘጋጀው ለግቢ ጉባኤያት ተማሪዎች ሊረዳ በሚችል መንገድ የአበውን ትምህርት መሠረት በማድረግ ነው፡፡ የሚያስተምረው መምህር፡ 

· ምሥጢረሥጋዌን ምሥጢረ ሥላሴን አስቀድሞ ቢማርና በሚገባ ቢያውቅ

· ሃይማኖተ አበውን ቢያነብና የአበውን ይትበሃልና ትርጉም ለቅሞ ቢይዝ

· የቤተ ክርስቲያን ታሪክ በዓለም መድረክን ቢያነብና ማስታወሻ ቢይዝ ትምህርቱን በሚገባ ለማስተማር ይረዳዋል፡፡

ከዚህ በተጨማሪ ነገረ ድኀነት መሠረታዊውን የቤተ ክርስቲያን ትምህርት/አምስቱ አዕማደ ምሥጢር፤ ሰባቱን ምሥጢራተ ቤተ ክርስቲያን፤ የቤተ ክርስቲያን ታሪክ/ ከተማሩ በኋላ ሊሰጥ የሚገባው መሆኑን ልንጠቁም እንወዳለን፡፡

 «ነገር» የሚለው ቃል በቤተ ክርስቲያን ትምህርት የአንድን ትምህርት መስክ መግለጫ ሆኖ ያገለግላል፡፡ ለምሳሌ «ነገር ማርያም» ሲል ስለ እናታችን ቅድስት ድንግል ማርያም ለሰው ልጅ በእግዚአብሔር ፈቃድ የገለጸውን ሁሉ የምንማርበት ትምህርት ማለት ነው፡፡ በዚህ ይዘቱ /LOGY/ የሚለውን የእንግሊዝኛ ቃል ይመስላል፡፡ 

በቤተ ክርስቲያን ትምህርት ድኀነት ማለት ከኀጢአት ተፈውሶ የእግዚአብሔር መንግሥት ወራሽ መሆንማለት ነው፡፡

«ሕዝቡንከኃጢአታቸው ያድናቸዋልና ስሙን ኢየሱስ ትለዋለህ» ማቴ. 1፤21፡፡ የነገረ ድኀነት ትምህርት ባንድ ወገንአባታችን አዳም ከወደቀበት የኀጢአት ማጥ ወጥቶ እንዴት ዳነ በሌላው ወገን ደግሞ እኛ ልጆቹስ እንዴት እንድናለን የሚሉትን ነጥቦች የምናይበት ትምህርት ነው፡፡

 የመናፍቃን የክህደት መነሻ ትክክለኛውን የመዳን መንገድ በመሳትና በማሳት በመሆኑ የቀድሞ ዘመን ጀምሮ አበው ምሥጢረ ሥጋዌን አምልተውና አስፍተው በማስተማርና በመጻፍ ነገረ ድኀነትን የትምህርታቸው መነሻና መድረሻ አድርገውታል፡፡