በመቀጠል ወደ ተለያዩ አካባቢዎች በመሔድ ቅኔ፣ መዝገበ ቅዳሴና ሌሎች ትምህርቶችን ተምረዋል፡፡ ከተማሩባቸው ቦታዎች መካከል አንዱ የዝዋይ ሐመረ ብርሃን ቅዱስ ገብርኤል ገዳምና የካህናት ማሠልጠኛ ተቋም በዋናነት ይጠቀሳል፡፡ በዚሁ ማሠልጠኛ በመምህርነትና በአስተዳዳሪነትም አገልግለዋል፡፡

የሸዋ ሀገረ ስብከት ሊቀ ጳጳስ ከነበሩት በብፁዕ አቡነ ጎርጎርዮስ ካልአይ መንኩሰው ቅስና የተሾሙ ሲሆን፤ በ1987 ዓ.ም በቅዱስ ሲኖዶስ የኤጲስ ቆጶስነት መዓርግ ከተሰጣቸው የቤተ ክርስቲያን አባቶች መካከል አንዱ ነበሩ፡፡

ኤጲስ ቆጶስነት ከተሾሙበት ጊዜ ጀምሮ ዐረፍተ ሞት እስከገታቸው ድረስ የከምባታ፣ ሐድያ፣ ጉራጌና ስልጢ አህጉረ ስብከት ሊቀ ጳጳስ በመሆን አገልግለዋል፡፡ የምዕራብ ሸዋ ሀገረ ስብከትንም በተጨማሪነት በሊቀ ጳጳስነት አገልግለው እንደነበር የሚታወስ ነው፡፡

እንደዚሁም ከ1997 ዓ.ም እስከ 1999 ዓ.ም ድረስ የጠቅላይ ቤተክህነት ዋና ሥራ አስኪያጅ በመሆን ማገልገላቸው ይታወቃል፡፡