እግዚአብሔርን የሚወዱ መንፈሳውያን ሰዎች ሁሉ በዚህ የትንሣኤ በዓል ደስ ይበላቸው፡፡ ጠቢባን (የእግዚአብሔር) አገልጋዮች ወደ ጌታቸው ደስታ ይግቡ፡፡ የጾምን ቀንበር ተሸክመው የነበሩ ዛሬ ዋጋቸውን ይቀበሉ፡፡

እግዚአብሔር አምላክ አምስት ቀን ሙሉ ዓለምን በሥነ ፍጥረት እያስጌጠ ካዘጋጀ በኋላ በ6ኛው ቀን ታላቁን የሥነ ፍጥረት እንግዳ ሰውን ፈጠረ፡፡ የቤተ ክርስቲያናችን ሊቃውንት ስለዚህ ጉዳይ ሲያስረዱ «አንድ ደግ ሰው እንግዳ ሲጋብዝ አስቀድሞ ቤቱን፤ መብል መጠጡን ሌላውንም ነገር እንዲያዘጋጅ እግዚአሔር አስቀድሞ የሚተነፍሰውን አየር፤ የሚጠጣውን ውኃ፤ የሚበላውን ምግብ፤ የሚኖርባትን ገነት እንዲሁም ለአንክሮ ለተዘክሮ የሆኑትን ሁሉ ካዘጋጀ በኋላ አዳምን ፈጠረው፡፡»

መቅድም 

የመዳን ትምህርት የቤተ ክርስቲያን ትምህርት ማዕከል ነው፡፡ የመጽሐፍ ቅዱስም ሆነ የሌሎች መጻሕፍት ዋና ዓላማ ሰው የሚድንበትን መንገድ ማሳየት ነው፡፡ መድኃኔዓለም ኢየሱስ ክርስቶስም የሞተው የሰወን ልጅ ለማዳን ነው፡፡

አዳም ወደቀ ስንል ጸጋው ተገፈፈ ባሕርይው ጐሰቆለ ማለታችን ነው፡፡